wow!!創世紀

噢《創世紀》實在太好睇了
今晚一集內竟然有兩個高潮位！
真係睇到我呢……

首先第一個高潮位係Donald個仔肝病死左
最初Donald以為寶庭唔係佢個仔
所以唔肯驗血同佢換肝
當佢醉薰薰去到醫院o個刻
鏡頭一pen過去係成家人帶哀傷兼忿怒啤住佢既wide shot
最誇張係佢老婆惠英紅
對眼好似拍緊奇幻潮咁
但o個下汪阿姐眼濕濕，秦沛既嬲怒且痛心，邵美琪同吳奇隆好傷心咁，馬德鍾仲喊到典晒地！
個配樂fade in得中位
所有野加埋真係睇到心la住la住

但估唔到廣告後就即刻黎第二個高潮
前戲係秦沛以為汪阿姐想害佢，於是叫佢離開葉家
鏡頭close up阿姐
嘩！係真係好戲架
眼濕濕得黎一d都唔造作
接著秦沛走去鬧馬德鍾
俾馬德鍾話番佢根本唔係一個好老豆
講佢點樣霸道，點樣唔信人，所以搞到個仔咁
馬德鍾又再一次邊喊邊咆哮
估唔到佢可以好戲到咁既地步！
我係完全地肉緊
相信導演真係落左唔少功夫
至於編劇既詞大部份都捉到共鳴
講有錢人既權力鬥爭都可以令普通市民明白
好勁呀

Linda話依家再冇《創世紀》呢類劇
可能係因為香港人唔再相信「創造」or奇蹟
我就覺得係TVB冇咁多錢support一套劇
當編劇冇錢冇時間之下唯有交頹貨
既然電影間唔中都可以有好劇本
所以我唔相信係關人的能力事
好似早排《甜酸爺爺》呢類小本製作都幾好架

aiya...
不如將《創世紀》調番上一線啦