going to兒化的地方

終於搞掂訂機票同酒店
當任何一方缺錢或缺假期時
這些手續都變得很麻煩
尤其是要獨個兒上旅行社處理
要邊跟旅行社人員(說話時很似森美的)deal(而旅行社人員邊跟出機票處deal)邊跟伙伴遙距deal
像我這種沒耐性的人就很容易光火
還好伙伴沒脾氣
而旅行社人員也很體諒學生冇乜錢
深深明白上班以後去旅行就要就假期(紅日！)或辭職
所以仍然堅持自己搵工前先去旅行的想法是對的
至多慳d

對我們的第三次旅行(yea~已經第三次~~，儲夠三次短途經驗希望可以快d換個歐遊!!!)
也更花心思準備
首先是選購旅遊書
繁簡書籍都睇云
發覺繁體版通常都類似life net一類的guide book
所介紹的都係依類別或地點分
算係最方便o個種
但都幾悶
反而簡體版較好玩(可能出書成本低)
有一類會專講一d特別地方
譬如講胡同既會寫文畫畫
另一類就好似字典咁詳盡講解北京既人事
即係我讀緊o個本《北京A-Z》
幾好睇
一路睇好似溫習番中史
又諗起TVB古裝街(金枝慾孽係咪o係故宮拍？)

有時覺得咁早去英國有d浪費
F.7既我仲未完全懂得欣賞這地方
但去完英國反而令我想睇下北京係點
話晒係中國人
第一次去台北為新奇
第二次去同一個地方為思念
第三次去北京或者係為尋找民族既感覺吧
到了畢業這個好像要長大的年紀
好想在屬於的民族中看自身