some reflections on the media

世貿完結
香港宣言通過
曾俊華得到極高評價
港人似乎對世貿議題更關心
我在家樓下也聽到平日捉旗的阿伯突然轉話題講世貿
慶幸早一個月做了一個專輯
要不然也會跟大部份傳媒一樣
把是次事件的主角看成是示威者
多於會議本身
究竟是媒體本身太唔識野
定編採角度幾乎全被市場主導?

記得敝報某記者在採訪手記中提到
世貿會議開幕當天發現
本地記者對場外示威的興趣絕對大於場內會議情況
然後劉律師在編輯室手記中解釋
世貿難採訪之處
在於事件本身不易理解
而示威場面又確實是易掌握之餘又畫面豐富
最ａｒｍ大台用

上月做專輯時也不時與同事互呻
點可以由班冇咩econ底的文教記者解釋世貿
觀乎敝報所安排的人手
也的確是由較熟悉事件的財經記者和勁人法庭組組長負責(以及一位偵查組記者)採訪會議進展

有一幕很深刻
會議首天農民示威期間
個有線女記者講左好多廢話
如:示威者依家起身喇, 依家向前行喇, 依家突然坐低......
please, 你唔好講d我肉眼睇到既野得唔得
聽到你咁緊張咁講
我就算合埋眼都想像到場面係點
你諗唔到野講咪shut your mouth由得觀眾自己感受囉

再講三色台所派記者的「重」裝備
真係睇到都完全feel到場面緊張
而幾日以來佢講會議同示威情況比例係2:8
come on你係咪淮恐天下不亂
ｄ核心問題又唔講多幾句
記者唔識咪搵個掂ｄ架囉
原來所謂既「事事關心」就係咁
我讀者睇完只會睇到農民點示威，而唔明點解要示威
報紙係要考慮商業角度
但電視台都唔爭在幾日廣告啦

難怪外國記者都奇怪
場內港記者寥寥可數　
原來全擠往場外

我覺得這樣的傳媒很膚淺又醜怪
但好反映到香港係個點既地方

假如仍在學院
就可以同chi shing或prof討論一番